Xhesika sallahi, Author at SkandiAlbRadio

Numërohen 96% e kutive të votimit në Kosovë/ Kurti kryeson me 49.8% të votave

Xhesika sallahi — Sun, 28 Dec 2025 21:36:19 +0000

Komisioni Qendror i Zgjedhjeve (KQZ) në Kosovë ka publikuar rezultatet paraprake të zgjedhjeve të parakohshme parlamentare. Lëvizja Vetëvendosje po kryeson bindshëm në rezultatet paraprake të zgjedhjeve, ku deri më tani janë numëruar 96% e kutive.

Vetëvendosje ka siguruar deri tani 49.8% të votave.

Në vendin e dytë renditet Partia Demokratike e Kosovës (PDK) me 21.21%, ndërsa e treta është Lidhja Demokratike e Kosovës (LDK) me 13.76%. /topchannel

The post Numërohen 96% e kutive të votimit në Kosovë/ Kurti kryeson me 49.8% të votave appeared first on SkandiAlbRadio.

Ndërron jetë ish kryeministri Fatos Nano

Xhesika sallahi — Fri, 31 Oct 2025 14:55:50 +0000

Ka ndërruar jetë në moshën 73-vjeçare ish-kryeministri dhe ish-kryesocialisti Fatos Nano. Nano vuante nga një sëmundje e rëndë dhe prej disa ditësh ishte i shtruar në spital, për të marrë mjekimin e nevojshëm. Fatkeqësisht ai nuk ia ka dalë dot t’i mbijetojë sëmundjes së rëndë, duke u ndarë nga jeta ditën e sotme. Kujtojmë se Nano u shtrua edhe më herët në spital, për një sëmundje të rëndë të mushkërive dhe zemrës. Nano ka qenë kryeministër i Shqipërisë për disa vite dhe ka qenë kryetar i Partisë Socialiste për një kohë të gjatë, që nga viti 1992 e deri në vitin 2005.

Burimi:A2CNN

The post Ndërron jetë ish kryeministri Fatos Nano appeared first on SkandiAlbRadio.

Vrasje në Gjykatën e Apelit, Tiranë. Ndërron jetë gjyqtari Astrit Kalaja

Xhesika sallahi — Mon, 06 Oct 2025 15:25:11 +0000

Gjyqtari i Gjykatës së Apelit, Astrit Kalaja, është qëlluar për vdekje ditën e sotme brenda sallës së gjyqit, ndërsa dy persona të tjerë mbetën të plagosur. Në njoftimin e policisë thuhet: Rreth orës 15:40, në ambientet e Gjykatës së Apelit të Juridiksionit të Përgjithshëm Tiranë, gjatë një procesi gjyqësor, dyshohet se shtetasi E. Sh., 30 vjeç (palë në proces) ka qëlluar me armë zjarri drejt gjyqtarit, shtetasit A. K., dhe shtetasve R. K., 65 vjeç dhe E. K., 45 vjeç, atë e bir (pala tjetër në proces). Sipas dëshmisë së autorit, autori pretendon se i është bërë padrejtësi në proces.

Mbetet e paqartë se si arriti të futej brenda në sallë autori i armatosur, kur në këtë institucion, si në çdo institucion tjetër, kalohet nëpër disa kontrolle fizike dhe me detektor metalik.

Lajmi në përditësim…

Burimi: Top channel

The post Vrasje në Gjykatën e Apelit, Tiranë. Ndërron jetë gjyqtari Astrit Kalaja appeared first on SkandiAlbRadio.

Dua Lipa merr nënshtetësinë e Kosovës

Xhesika sallahi — Fri, 01 Aug 2025 15:42:07 +0000

Presidentja e Kosovës, Vjosa Osmani, ka mirëpritur yllin me famë botërore, Dua Lipën në Prishtinë, për t’i dorëzuar shtetësinë e Republikës së Kosovës me dekret presidencial.

Përmes një postimi në Facebook, Osmani u shpreh se ky është një ‘nder i veçantë’ për vendin, duke theksuar se është një nga personalitetet më të rëndësishme kulturore dhe artistike në historinë e Kosovës.
“Mirë se erdhe në shtëpi, Dua”, ka shkruar Presidentja Vjosa Osmani. “Ajo ka qenë dhe vazhdon të jetë një nga zërat më të fuqishëm në skenat më të mëdha të botës, duke bërë histori me të arriturat e saj dhe duke u shndërruar në inspirim për miliona njerëz anekënd globit”, shtoi tutje.

Osmani vlerësoi kontributin e Lipës në promovimin e Kosovës ndërkombëtarisht, në fuqizimin e të rinjve dhe në përkrahjen e artit vendor.

“Kosova është gjithmonë krenare me ty”, përfundon Presidentja postimin e saj.

Ky akt simbolik dhe shumë domethënës vjen në një kohë kur Lipa është kthyer në një nga emrat më të spikatur të industrisë muzikore globale, pa harruar kurrë rrënjët e saj shqiptare.

Burimi: Ballkan web

The post Dua Lipa merr nënshtetësinë e Kosovës appeared first on SkandiAlbRadio.

PS kryeson edhe votat e diasporës, ndiqet nga PD dhe Shqipëria Bëhet.

Xhesika sallahi — Wed, 14 May 2025 16:18:24 +0000

Në Parkun Olimpik vijon numërimi i votave të diasporës. Aktualisht nga 194.889 zarfe të mbërritura, janë numëruar 101039 zarfe.

Sipas rezultateve nga KQZ, PS ka marrë kryesimin me 54298 vota, e ndjekur nga PD me 28305.

Koalicioni Nisma Shqipëria Bëhet numëron 8424 vota, Partia Mundësia 3597 vota, Lëvizja Bashkë 2617 vota, kurse Partia Social Demokrate nga 1155 vota.

Deri tani, vota të pavlefshme rezultojnë 763./topchannel

The post PS kryeson edhe votat e diasporës, ndiqet nga PD dhe Shqipëria Bëhet. appeared first on SkandiAlbRadio.

Ka përfunduar numërimi i votave në të gjithë Shqipërinë. Partia Socialiste, fitore të thellë.

Xhesika sallahi — Wed, 14 May 2025 10:17:51 +0000

Komisioni Qendror i Zgjedhjeve bëri të ditur se ka përfunduar numërimi i votave të partive në të gjithë Shqipërinë. Sipas shifrave zyrtare të raportuara nga KQZ, votat në çdo qark të përkthyera në mandate, japin një tablo ku Partia Socialiste kryeson thellë. Socialistët kanë marrë tjetër mandat në Vlorë duke shkuar në 83 mandate, ku rezultatin më të mirë e kanë në Tiranë, Fier, Durrës, Elbasan dhe Vlorë. Koalicioni i kryesuar nga Partia Demokratike i kanë ikur dy mandate në pak minuta, ai i Vlorës dhe një në Tiranë që ia mori partia Mundësia e Agron Shehajt. PD ka zbritur në 50 mandate ndërsa Mundësia 2 mandate. Sa i përket partive të tjera, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 1 mandat, ndërkohë Lëvizja Bashkë 1 mandat. Partia Socialiste renditet e para me mbi 251 mijë vota më shumë se Partia Demokratike, duke mos përfshirë këtu votat e Diasporës.

The post Ka përfunduar numërimi i votave në të gjithë Shqipërinë. Partia Socialiste, fitore të thellë. appeared first on SkandiAlbRadio.

Numërohen 95% e kutive

Xhesika sallahi — Tue, 13 May 2025 08:54:11 +0000

Vazhdon numërimi i votave në Shqipëri. Në 4949 kuti votimi të numëruara nga 5225, Partia socialiste prin me mbi 230 mijë vota para. Sipas shifrave zyrtare të raportuara nga Komisioni Qendror i Zgjedhjeve, socialistët kanë deri tani 82 mandate, me rezultatin më të mirë në Tiranë, Fier, Durrës dhe Elbasan. Koalicioni i kryesuar nga Partia Demokratike është rritur në 52 mandate. Ndërkaq, sa i përket partive të reja, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 1 mandat, ndërkohë Lëvizja Bashkë 1 mandat./topchannel

The post Numërohen 95% e kutive appeared first on SkandiAlbRadio.

Votat e diasporës/ Ja kush kryeson deri tani

Xhesika sallahi — Mon, 12 May 2025 13:42:52 +0000

Në Parkun Olimpik vijon numërimi i votave të diasporës.

Aktualisht nga 194.889 zarfe të mbërritura, janë numëruar 4261 zarfe.

Sipas rezultateve nga KQZ, PS ka marrë kryesimin me 2309 vota, e ndjekur nga PD me 1264.

Koalicioni Nisma Shqipëria Bëhet numëron 369 vota, Lëvizja Bashkë 84 vota, Partia Mundësia 95 vota, kurse Partia Social Demokrate nga 38 vota./topchannel

The post Votat e diasporës/ Ja kush kryeson deri tani appeared first on SkandiAlbRadio.

Numërohen 44.15% e kutive të votimit në vend, PS kryeson me 83 mandate

Xhesika sallahi — Mon, 12 May 2025 13:03:20 +0000

Deri në orën 14:00 numëruesit në të gjithë vendin kanë numëruar 2307 kuti votimi nga 5225 që janë në të gjithë Shqipërinë. Sipas shifrave zyrtare të raportuara nga Komisioni Qendror i Zgjedhjeve, socialistët kanë deri tani 83 mandate, ku rezultatin më të mirë e kanë në Tiranë, Fier, Durrës dhe Elbasan. Nga ana tjetër koalicioni i kryesuar nga Partia Demokratike nga 51 mandate që kishte, tashmë ka 50. Sa i përket partive të reja, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 1 mandat, ndërkohë që Partia Mundësia ka 2 mandate dhe Lëvizja Bashkë një mandat./Topchannel

The post Numërohen 44.15% e kutive të votimit në vend, PS kryeson me 83 mandate appeared first on SkandiAlbRadio.

Del Exit poll i parë i zgjedhjeve. Partia Socialiste kryeson

Xhesika sallahi — Sun, 11 May 2025 18:32:47 +0000

Exit poll e para flasin për një fitore të thellë të Partisë Socialiste në zgjedhjet e mbajtura ditën e sotme në Shqipëri. Albania Post ka publikuar pak minuta pas mbylljes së qendrave të votimit, exit poll në rang kombëtar nga ku rezulton se socialistët kanë marrë 79 mandate, ose pesë më shumë se katër vjet më parë.

Demokratët e Sali Berishës rezultojnë me 54 mandate me 38% të votave në rang vendi.

Nga ana tjetër PSD-ja e Tom Doshit mund të marrë tre mandate, ku dy i ka në Shkodër dhe një në Tiranë me 2.2% të votave në rang vendi.

Partia Mundësia e Agron Shehaj merr 3.6% të votave në rang kombëtar, por arrin të marrë vetëm 2 mandate, për shkak të shpërndarjes së gjerë të votave në gjithë Shqipërinë dhe përqendrimit vetëm në qarkun e Tiranës.

Në 1 mandat është Lëvizja Bashkë e Arlind Qorit, në qarkun e Tiranës, por që Qorin do ta shihte vetë jashtë Parlamentit.

Një mandat mund të marrë edhe Lulzim Basha në Tiranë, ndërkohë që Adriatik Lapaj dhe koalicioni i tij rezultojnë pa asnjë mandat.

Rezultatet e exit-poll

PS 79 mandate

PD 54 mandate

PSD 3 mandate

Mundësia 2 mandate

Lëvizja Bashkë 1 mandat

KEA (Partia e Bashës) 1 mandat

Nisma Shqipëria Bëhet 0 mandate

Burimi: Top Channel

The post Del Exit poll i parë i zgjedhjeve. Partia Socialiste kryeson appeared first on SkandiAlbRadio.