Ndryshim i madhë i motit. Deri 20 gradë diferencë brenda pak orësh.

Pas javësh të tëra me të ftohtë të vazhdueshëm dhe temperatura nën zero në pjesë të mëdha të vendit gjatë gjithë janarit dhe shkurtit, në jug të Suedisë po pritet një ndryshim i madh i temperaturave.

Në Horn të Östergötlandit, termometri shënoi 20 gradë nën zero në mëngjes. Por sipas raportimit të Aftonbladet, tashmë pasdite temperatura mund të arrijë në zero gradë. Kjo do të thotë një rritje shumë e shpejtë brenda vetëm disa orësh.

Meteorologu Magnus Nilsson Sangrud nga SMHI tha për TT se shumë zona të Suedisë jugore mund të kenë rreth 15 gradë diferencë mes temperaturës së mëngjesit dhe asaj të ditës. Sipas tij, bëhet fjalë për një ndryshim të madh temperature brenda një dite.

Ky ndryshim i motit mund të krijojë probleme serioze për trafikun gjatë pushimeve dimërore. Sipas SVT Nyheter, ekziston rreziku që rrugët të bëhen të rrëshqitshme kur reshjet e shiut dhe borës kalojnë nga njëra zonë në tjetrën.

Ndërkohë, SMHI ka lëshuar një paralajmërim të verdhë për reshje bore përgjatë bregdetit perëndimor, nga Uddevalla deri në Lund. Paralajmërimi është në fuqi, në momentin e publikimit të lajmit, nga mbrëmja e së premtes deri në orën 11:00 të së shtunës.

Burimi: SVT/ Aftonbladet/Omni/TT

Link: https://www.svt.se/vader/efter-langa-kylan-vaderomslag-kan-orsaka-problem

https://www.aftonbladet.se/nyheter/a/d4nVBz/vaderomslaget-ar-har-20-grader-skillnad-pa-sex-timmar

https://tt.omni.se/20-grader-upp-pa-nagra-timmar-stor-skillnad/a/aJ7AOd