164 të huaj dëbohen nga Suedia. Ndalohen për 550 vite.

Gjatë këtij viti, 164 kriminelë të huaj nga zona Schengen, kryesisht nga Europa Lindore dhe vendet nordike fqinje, janë dëbuar nga Suedia, sipas një raporti nga SvD. Ky numër përfaqëson një rritje prej 36 personash krahasuar me të njëjtën periudhë të vitit të kaluar.

Në total, personat e dëbuar kanë marrë 550 vite ndalim udhëtimi në Suedi. Policia vlerëson se përmes këtyre dëbimeve janë parandaluar rreth 30,000 krime në një periudhë pesëvjeçare.

“Ky është një rezultat jashtëzakonisht pozitiv,” deklaroi Mats Berggren, kreu i Njësisë Kombëtare të Policisë Kufitare, për SvD.

Dëbimi nga Suedia mund të zbatohet ndaj personave që kanë qëndruar më pak se tre muaj në vend dhe që konsiderohen një kërcënim për rendin publik dhe sigurinë e brendshme, sqaroi gazeta. Kjo masë është bërë një mjet i rëndësishëm për parandalimin e krimina të organizuar dhe për forcimin e sigurisë në vend.