55 të vdekur dhe dhjetëra të tjerë të zhdukur nga përmbytjet në Brazil

Shirat e dendur në shtetin më jugor të Brazilit, Rio Grande do Sul, këtë javë vranë të paktën 55 persona, thanë autoritetet lokale të shtunën në mbrëmje, ndërsa dhjetëra të tjerë ende nuk janë gjetur. Autoritetet thanë se 74 persona ishin ende të zhdukur dhe më shumë se 69 mijë ishin zhvendosur pasi stuhitë prekën gati dy të tretat e 497 qyteteve në shtetin, i cili kufizohet me Uruguain dhe Argjentinën.

Përmbytjet masive shkatërruan rrugë dhe ura në disa rajone të shtetit. Stuhia shkaktoi gjithashtu rrëshqitje dheu dhe shembje të pjesshme të një dige në një hidrocentral të vogël. Një digë tjetër në qytetin e Bento Goncalves është gjithashtu në rrezik të shembjes, paralajmëruan autoritetet.