Aksident tragjik në Pakistan/ 28 të vdekur, 20 të plagosur

Të paktën 28 persona kanë humbur jetën dhe 20 të tjerë janë plagosur, si pasojë e një aksidenti tragjik me autobus në Pakistan. Autobusi i pasagjerëve ra nga autostrada në një grykë shkëmbore, mëngjesin e hershëm. Ekipet e shpëtimit u dhanë ndihmën e parë të plagosurve edhe i transportuan në spital. Nga të dhënat e deritanishme, disa nga të plagosurit janë në gjendje kritike për jetën. Autoritetet thanë se ende po hetojnë shkaqet e aksidentit, megjithatë dëshmitarët thonë se shoferi e humbi kontrollin papritur.