PROVA PËR UJË TË FRESKËT NË TOKË, 4 MILIARDË VJET MË PARË

Analiza e re e kristaleve të lashta, të shkëmbinjve, sugjeron se Toka kishte tokë të thatë dhe ujë të freskët rreth 4 miliardë vjet më parë, një kohë kur shkencëtarët kishin menduar se planeti ishte tërësisht i mbuluar nga oqeani. Kjo gjetje, thanë autorët, do të thotë se receta për origjinën e jetës ekzistonte më pak se 600 milionë vjet pas formimit të Tokës, shumë kohë para dinozaurëve. Dëshmitë më të hershme të pranuara gjerësisht mbi jetën dhe ujin e freskët vijnë nga stromatolitet, mikrobet e fosilizuar që formonin pirgje në burimet e nxehta 3.5 miliardë vjet më parë. Sipas shkencëtarëve, masat tokësore dhe uji i freskët përgatitën terrenin që jeta të lulëzojë brenda një afati relativisht të shkurtër kohor, më pak se 600 milionë vjet pasi u formua planeti.