Shitet në ankand për 44.6 milionë dollarë fosili më i madh i plotë i gjetur ndonjëherë

Fosili më i madh dhe më i plotë i stegosaurusit i zbuluar ndonjëherë u shit për 44.6 milionë dollarë në shtëpinë e ankandeve, Sotheby’s në Nju Jork. Ai është fosili më i shtrenjtë i shitur ndonjëherë në një ankand. Skeleti u zbulua në një tokë private në Kolorado, nga paleontologu Jason Cooper në pronën e tij në vitin 2022. “Apex” është 3.4 metra i gjatë dhe 8.2 metra i gjatë nga hunda në bisht, më shumë se 30% më i madh se “Sophie”, ekzemplari më i paprekur i stegosaurusit, i cili ishte ekspozuar në Muzeun e Historisë Natyrore të Londrës. Ai iu shit një blerësi anonim i cili synon të eksplorojë huazimin e ekzemplarit në një institucion amerikan. Pas shitjes, blerësi u shpreh: “Apex ka lindur në Amerikë dhe do të qëndrojë në Amerikë!”