Koreja e Veriut dërgon sërish balona me mbeturina në Korenë e Jugut. Seuli: Do të hakmerremi me transmetike propagandistike në shkallë të plotë

Koreja e Veriut dërgoi sot balona me mbeturina në Korenë e Jugut, tha Seuli, duke thënë se do të hakmerrej me transmetime propagandistike “në shkallë të plotë”.

Ushtria e Koresë së Jugut tha se veprimet e Penianit që përshkallëzojnë tensionet pranë kufirit mund të kenë pasoja fatale, duke shtuar se regjimi i Koresë së Veriut do të jetë i vetmi përgjegjës.

“Siç e kemi paralajmëruar shumë herë, ushtria do të kryejë transmetime me altoparlantë në shkallë të plotë në të gjitha frontet duke filluar nga ora 13:00 sot,” tha shtabi i përgjithshëm ushtarak i Seulit, duke e quajtur lëvizjen e Phenianit për të dërguar këto balona. Që nga maji, Koreja e Veriut ka dërguar mijëra tullumbace duke mbajtur çanta plot me mbeturina përtej kufirit. Pheniani pretendoi se ishte një fushatë hakmarrjeje për dërgimin nga aktivistët e Koresë së Jugut të balonave që mbanin fletëpalosje kundër liderit të Koresë së Veriut, Kim Jong Un, USB me video muzikore dhe seriale televizive nga Koreja e Jugut, si dhe dollarë amerikanë./abcnews.al