Dhjetëra të vdekur nga një rrëshqitje e dheut, si pasojë e përmbytjeve në Indi

Dhjetëra persona kanë vdekur dhe shumë të tjerë dyshohet se janë të bllokuar, pasi shirat e rrëmbyeshëm kanë rezultuar me rrëshqitje të mëdha dheu në rajonin jugor të Indisë, Kerala. Toka ka rrëshqitur sidomos në zonat kodrinore. Operacionet e kërkim-shpëtimit janë aktivizuar, mirëpo puna po vështirësohet për shkak të shirave dhe rrëzimit të një ure me rëndësi. Në spitalet lokale janë duke u trajtuar të paktën 66 persona të plagosur, dhe që stafi spitalor është në mesin e të zhdukurve nga rrëshqitjet e dheut, njoftuan autoritetet. Zona Uajanad përjeton shpesh rrëshqitje të tilla. Shkollat dhe kolegjet janë mbyllur në pjesën më të madhe të rajonit.