Instagram kufizon llogaritë e përdoruesve të mitur.

Instagram po bën ndryshime që ata besojnë se do të çojnë në mbrojtje më të mirë për përdoruesit nën moshën 18 vjeç, raporton New York Times.

Ndryshimet përfshijnë që profilat e të miturve të jenë automatikisht private, mesazhet do të pezullohen gjatë natës për të inkurajuar gjumin dhe do të shtohen më shumë mjete monitorimi për prindërit.

Gjigantët e mediave sociale në përgjithësi, dhe Instagram në veçanti, janë nën presion për të mbrojtur më mirë fëmijët. Iniciativa e Instagram-it për të ashtuquajturat “llogaritë e adoleshentëve” është përgjigjja e Metës ndaj kësaj.

“Ne vendosëm të fokusohemi te mendimet e prindërve, pasi ata e dinë më mirë se çfarë është e përshtatshme për fëmijët e tyre sesa çdo kompani teknologjie,” tha Adam Mosseri, drejtori ekzekutiv i Instagram, për NYT.