Reflektim mbi Vitin e Parë të Scandinavian Albania Radio

Scandinavian Albania Radio, si një radio e re që u bë realitet në tregun online në Suedi, nisi transmetimet e saj midis datave 19-21 dhjetor 2023 ku dhe u realizua emisioni i parë, megjithëse provat teknike kishin filluar që më 6 gusht 2023.

SCA: Një ëndërr që u bë realitet

Kjo radio u krijua për komunitetin shqiptar në Suedi. Në fillimet e saj, Scandinavian Albania Radio kishte 120 dëgjues dhe rreth 130 ndjekës në rrjetet sociale. Për ne si staf, arritja e mbi 100 dëgjuesve në ditë ishte një sukses i madh.

Gjithçka nisi me një emision të përjavshëm të realizuar nga Bledar Naska dhe Jurgen Spiro, i quajtur “Emisioni i Fundjavës” (emri u vendos përkohësisht, pasi nuk u gjet një emër specifik). Ky emision fitoi zemrat e dëgjuesve dhe sot, një vit më vonë, numri i dëgjuesve është dhjetëfishuar, duke arritur në 1800 dëgjues.

Shërbime dhe Informacione për Komunitetin

Në bashkëpunim me informacione për Suedinë, Scandinavian Albania Radio sjell lajme dhe informacione të dobishme për komunitetin shqiptar, në kohë reale. Stafi profesionist pasqyron lajme nga mediat vendase, duke i përshtatur për nevojat e dëgjuesve tanë.

Planet për Vitin e Ri 2025

Viti i ardhshëm sjell më shumë surpriza:

• Edicione të përditshme lajmesh, nga Xhesika Sallahi, çdo ditë në orën 20:00 dhe ritrasmetim çdo mëngjes në orën 08:00.
• Emisioni për fëmijë “Hapa Dollapa”, nga Elda Zaimi, çdo të shtunë, ku të vegjëlit do të argëtohen me përralla në shqip dhe ëmbëlsinë e zërit të autores. Ky emision do të ritrasmetohet çdo të diel në orën 10:00.
• “Tradita – Emisioni i Fundjavës”, çdo të shtunë në orën 17:00, me lajme, informacione, almanak dhe tema të ndryshme të trajtuara me humor në studio, ku nuk do të mungojnë as të ftuarit.

Arritjet deri tani

Sot, ne kemi:

• Mbi 1800 ndjekës në rrjetet sociale.

• Mbi 280 shkarkime të aplikacioneve tona në Android dhe IOS.
• Rreth 25,000 dëgjues në javë.

• Platforma te tjera

1. Zeno Radio
2. Tunel Radio
3. Radio Box
4. Direkt në Skandialbradio.se

Faleminderit për Mbështetjen
Ju falënderojmë për mbështetjen tuaj të vazhdueshme! Falë jush, ne kemi motivim të përditshëm për të punuar më shumë. Ky është vetëm fillimi i rrugëtimit tonë. Do të jemi këtu për ju në 2025, 2026 dhe më tej!

Scandinavian Albania Radio
Radio juaj.

Përgatiti: Jurgen Spiro