Grevë e përgjithshme paralizon Greqinë, kërkohen paga më të larta.

Greqia është paralizuar nga një grevë e madhe, raportojnë disa media.

Transporti publik, aeroportet, tragetet, shkollat, gjykatat dhe bankat janë mbyllur të mërkurën për shkak të grevës.

Sindikatat që e kanë organizuar protestën kërkojnë rritje pagash, për të përballuar koston e lartë të jetesës në vend.

“Po grevojmë për gjëra të qarta. Duam paga më të larta dhe marrëveshje kolektive tani!”, shkruan sindikata GSEE, e cila përfaqëson më shumë se dy milionë punëtorë në sektorin privat, në një deklaratë.