APLIKIMI PËR LEJE QËNDRIMI PUNE NË SUEDI. Informohuni mirë përpara se të aplikoni në Zyrën Suedeze të Migracionit, sepse të drejtat ligjore ndryshojnë në varësi të statusit tuaj aktual.

1️⃣ Shtetas me pasaportë shqiptare ose kosovare (pa leje qëndrimi në një shtet të BE-së)

Nëse jeni vetëm me pasaportë të Shqipërisë apo Kosovës dhe nuk keni leje qëndrimi të BE-së:

• Sipas ligjit të migracionit suedez, nuk keni të drejtë të qëndroni në Suedi gjatë kohës që shqyrtohet aplikimi për leje qëndrimi pune.
• Aplikimi duhet të bëhet jashtë Suedisë.
• Duhet të keni një kontratë pune të rregullt nga një kompani suedeze që përmbush kërkesat ligjore:
  • Rrogë minimale mujore: 28,500 SEK (korona)
  • Kompania duhet të ofrojë punë gjatë gjithë periudhës së kontratës – nuk lejohet të punoni për kompani të tjera.

• Kjo është thelbësore për të pasur mundësinë të aplikoni më vonë për leje qëndrimi të përhershme apo shtetësi suedeze (aktualisht pas 5 vitesh, por mund të ndryshojë në 8 vite).
• Procesi i aplikimit:
  • Fillon nga punëdhënësi, i cili dorëzon dokumentacionin në sistemin e Migracionit.
  • Më pas, ju merrni një numër reference për të vazhduar aplikimin online.
  • Dokumentet e nevojshme: fotokopje të pasaportës, CV, kontrata, sigurimet etj.
  • Formulari për aplikim: nr. 136011
  • Aplikimi mund të bëhet edhe përmes një përfaqësuesi juridik të licensuar, si p.sh. GeDe Juridik AB.

2️⃣ Shtetas shqiptarë/kosovarë me  leje qëndrimi të përhershme në një shtet të BE-së (p.sh. Greqi, Itali)

Nëse keni një rezidencë 5-vjeçare ose leje qëndrimi të përhershme në BE:

• Keni të drejtë ligjore të qëndroni në Suedi ndërsa pritet përgjigja për aplikimin tuaj për leje qëndrimi pune.
• Aplikimi mund të bëhet:
  • Para se të hyni në Suedi – përmes Ambasadës Suedeze në Athinë.
  • Ose pasi të jeni në Suedi – pranë Zyrës së Migracionit.
• Dokumentet e nevojshme përfshijnë:
  • Fotokopje të pasaportës
  • Kontratën e punës
  • Dokumentet e familjes, nëse është e aplikueshme.
• Formulari për aplikim: nr. 138011

3️⃣ Shtetas shqiptarë/kosovarë me  leje qëndrimi 1–4 vjeçare në shtete të tjera.

Nëse keni leje qëndrimi të përkohshme (1–4 vjet) në ndonjë shtet tjetër të BE-së:

• Trajtoheni njësoj si në pikën 1.
• Duhet të ndiqni rregullat e aplikimit për shtetas vetëm me pasaportë, pasi kjo nuk ju jep të drejtë qëndrimi në Suedi gjatë procesit të aplikimit.

4️⃣ Punësimi si “punëtor i marrë me qira” nga kompani ndërkombëtare

Nëse jeni punësuar përmes një kompanie ndërmjetësuese që nuk paguan taksa në Suedi:

• Kompania paguan taksa në vendin ku keni leje qëndrimi.
• Asnjë ditë e punës në Suedi nuk ju llogaritet për leje qëndrimi apo për shtetësi.
• Për qëndrimin në Suedi do të trajtoheni si turist, pra nuk keni përfitime si rezident dhe do të duhet të mbuloni vetë të gjitha kostot.

📌 Kujdes: Ligjet dhe rregulloret mund të ndryshojnë. Kontrolloni gjithmonë informacionet më të fundit në faqen zyrtare të Zyrës Suedeze të Migracionit.