Aksident tragjik në Florida/ Të paktën tetë viktima dhe dhjetëra të plagosur

Të paktën tetë persona humbën jetën dhe dhjetëra të tjerë u plagosën në një aksident rrugor, ku autobusi doli nga rruga, në Florida. Autobusi transportonte rreth 50 punëtorë fermash, thanë zyrtarët e Patrullës së Autostradës në Florida. Autobusi doli nga rruga pasi u përpoq të shmangte një foristradë, tip Ford Ranger, e cilla ishte gati ta përplaste. Mbasi doli nga rruga, autobusi u përplas me një gardh përpara se të përmbysej, thanë zyrtarët, të cilët shtuan se rreth 40 nga të plagosurit u dërguan në objektet mjekësore. Patrulla e Autostradës së Floridës ka arrestuar shoferin e foristradës, i akuzuar për tentim vrasje me paramendim.