Charles Michel- “Ballkani Perëndimor duhet të anëtarësohet sa më shpejt në BE. Mos të vonohemi, mund te krijohet perdja e re e hekurt!”

Presidenti i Këshillit Evropian, Charles Michel u shpreh se Bashkimi Europian duhet të zgjerohet ose rrezikon të përballet me një perde të re të hekurt.

“Zgjerimi është jetik për të ardhmen e BE-së sepse pa zgjerim, ekziston një rrezik për një perde të re të hekurt. Do të ishte jashtëzakonisht e rrezikshme nëse do të kishit një zonë të paqëndrueshme me mungesë prosperiteti ose mungesë zhvillimi ekonomik.”- u shpreh Michel.

Procesi i anëtarësimit në bllok është jashtëzakonisht i gjatë dhe kompleks, me vendet kandidate që u kërkohet të përmbushin kërkesat e BE-së, duke përfshirë reforma të rëndësishme gjyqësore dhe kushtetuese. Aktualisht,nëntë vende nga Evropa Lindore dhe Ballkani Perëndimor janë në pritje për t’u bërë anëtare të BE-së.