Dita Botërore e Lirisë së Shtypit/ Gaza mban zi për gazetarët që kanë humbur jetën nga sulmet izraelite

Të paktën 141 gazetarë dhe profesionistë të medias palestinezë janë vrarë dhe 70 të tjerë janë plagosur në luftën e vazhdueshme të Izraelit në Rripin e Gazës, tha zyra qeveritare për media. Në një deklaratë për Ditën Botërore të Lirisë së Shtypit, zyra e medias tha se të paktën 20 gazetarë mbahen ende në burgjet izraelite.

“Kjo është pjesë e luftës gjenocidale të zhvilluar nga ushtria okupatore izraelite kundër civilëve, veçanërisht fëmijëve dhe grave në Rripin e Gazës”, thuhet në deklaratë.

Zyra e medias mbajti Izraelin dhe SHBA-në “plotësisht përgjegjës për krimet izraelite kundër gazetarëve dhe profesionistëve të medias”.

Zyra e Medias i bëri thirrje komunitetit ndërkombëtar që “të mbrojë gazetarët palestinezë dhe të bëjë presion ndaj okupimit izraelit që të ndalojë luftën e tij gjenocidale kundër gazetarëve, civilëve, fëmijëve, grave dhe popullit palestinez”.