Ekspertët paralajmërojnë: “Mos e vendosni kurrë këtë objekt pranë ruterit”

Ekspertët paralajmërojnë për një objekt të zakonshëm në shtëpi që nuk duhet të vendoset pranë ruterit të internetit. Vendosja e gabuar e ruterit Wi-Fi mund ta ngadalësojë ndjeshëm internetin në shtëpi.

Sipas ekspertëve, shumë probleme me internetin nuk lidhen me kompaninë e internetit, por me mënyrën dhe vendin ku është vendosur ruteri. Lajmi raportohet nga gazeta spanjolle El Economista.

Ruteri Wi-Fi është qendra e rrjetit pa tel në shtëpi dhe dërgon sinjale përmes valëve radio drejt telefonave, kompjuterëve dhe pajisjeve të tjera. Që këto sinjale të funksionojnë mirë, ato kanë nevojë për hapësirë të lirë dhe pa pengesa.

Ekspertë të teknologjisë dhe burime të ndryshme paralajmërojnë se objektet e vendosura pranë ruterit mund të pengojnë sinjalin Wi-Fi. Kjo sjell ulje të shpejtësisë së internetit dhe krijon zona në shtëpi ku lidhja është e dobët ose nuk funksionon fare.

“Më keq nga sa mendoni”

Sipas ekspertëve të rrjeteve, një objekt shumë i zakonshëm në shtëpi është ndër më problematikët për t’u vendosur pranë ruterit.

Pasqyrat nuk duhet të vendosen kurrë pranë ruterit të shtëpisë.

Ashtu si pasqyrat reflektojnë dritën dhe imazhet, ato reflektojnë edhe sinjalet Wi-Fi. Kjo bën që sinjalet të kthehen mbrapsht dhe të mos përhapen siç duhet në dhomë

”Struktura e pasqyrës bën që ajo të reflektojë dhe të devijojë sinjalet radio”, shpjegon një ekspert i teknologjisë për El Economista.

Kjo do të thotë se nëse ruteri vendoset pas ose shumë pranë një pasqyre të madhe, shpejtësia e internetit mund të përkeqësohet ndjeshëm, krahasuar me rastin kur ruteri është i vendosur lirshëm dhe në një vend të hapur.

Ashtu si pasqyra e kthen mbrapsht imazhin kur shihni veten në të, edhe valët Wi-Fi sillen në të njëjtën mënyrë. Sapo ruteri i dërgon, ato përplasen te pasqyra, kthehen mbrapsht dhe nuk arrijnë plotësisht te pajisjet, duke e dobësuar lidhjen e internetit.

Si të përmirësoni internetin në shtëpi

Për një sinjal më të mirë Wi-Fi, ekspertët rekomandojnë që ruteri të vendoset në qendër të shtëpisë, pak më lart nga dyshemeja dhe larg pengesave.

Ruteri duhet të mbahet larg objekteve të mëdha metalike, pasqyrave dhe pajisjeve të tjera elektronike. Pajisje si furrat me mikrovalë, pajisjet Bluetooth dhe altoparlantët përdorin të njëjtat frekuenca si Wi-Fi dhe mund të shkaktojnë ndërhyrje në sinjal.

Ekspertët theksojnë se vetëm duke e zhvendosur ruterin në një vend më të hapur dhe duke shmangur sipërfaqet reflektuese, shumë përdorues mund ta përmirësojnë ndjeshëm lidhjen e tyre me internetin, pa pasur nevojë të blejnë pajisje të reja apo të paguajnë për një abonim më të shtrenjtë.