Hezbollahu sulmon me dronë një bazë ushtarake në veri të Izraelit

Hezbollah sulmon me dronë një bazë ushtarake në veri të Izraelit. Grupi militant libanez, Hezbollah, tha se ka kryer një sulm me dronë mëngjesin e së hënës në veri të Izraelit, si hakmarrje për sulmet dhe vrasjet e kryera nga Izraeli në disa fshatrat të Libanit jugor. Ndërkaq, ushtria izraelite njoftoi se dy pjesëtarë të saj u plagosën gjatë këtij sulmi. Ushtria tha se shërbimet e zjarrfikësve po punojnë që të shuajnë zjarrin që shpërtheu si pasojë e sulmit.

Ky sulm vjen në kohën kur është rritur frika për një konflikt rajonal, pasi javën e kaluar u vra një komandant i lartë i Hezbollahut Fouad Shukur, në Liban, dhe në Iran u vra lideri politik i Hamasit, Ismail Haniyeh.

Izraeli dhe Hezbollahu, grupi militant i mbështetur nga Irani, kanë shkëmbyer zjarr pothuajse çdo ditë që kur ka nisur lufta në Gazë mes Izraelit dhe Hamasit, grupit të shpallur terrorist nga BE-ja dhe SHBA-të,  më 7 tetor.