Identifikohen tre turistë të gjetur në një pus në Meksikë/ Turistët të qëlluar me plumba në kokë

Trupat e tre turistëve të gjetur në një pus në veriperëndim të Meksikës kishin plagë plumbash në kokë, thonë autoritetet. Vëllezërit australianë J.R dhe C.R, 30 dhe 33 vjeç, dhe shoku i tyre amerikan J.R, 30 vjeç, u zhdukën më 27 prill ndërsa ishin në një udhëtim surfing në Ensenada.

Ishin të afërmit ata që identifikuan trupat e tyre, pasi udhëtuan në Meksikë për të ndihmuar autoritetet. Zyrtarët besojnë se burrat u sulmuan teksa po përpiqeshin të shmangnin një tentativë vjedhjeje të kamionit të tyre. Trupat e tyre u gjetën në një pus 4 metra të thellë rreth 6 km nga vendi i sulmit në qytetin e Santo Tomás të premten. Aty pranë u gjetën tenda të braktisura, një kamionçinë e bardhë e djegur dhe një telefon i lidhur me surfistët e zhdukur.

Dy burra dhe një grua janë arrestuar nën dyshimin për përfshirje të drejtpërdrejtë ose të tërthortë në sulm. Më herët, FBI tha se po shqyrtonte rastin dhe ishte në kontakt me partnerët ndërkombëtarë.