Janet Jackson lajmëron turne në 2024 në 10 qytete

Janet Jackson ka paralajmëruar një turne në Mbretërinë e Bashkuar dhe Evropë në vitin 2024. Këngëtarja, kompozitorja, aktorja dhe balerina amerikane në turneun e saj ‘Together Again’ do të mbajë koncerte në dhjetë qytete këtë vit, duke nisur në 25 shtator në Paris, e më pas Birmingham, Londër, Glasgow dhe Mançester, përpara se të kthehet në Evropën kontinentale dhe të mbyllë pjesën evropiane të turneut të saj në Ziggo Dome në Amsterdam më 10 tetor. Turneu do t’u japë fansave mundësinë të shikojnë Jackson duke festuar 50 vjetorin e saj në biznesin muzikor dhe të fokusohen në 35 vjet që nga albumi i saj i vitit 1989 ‘Rhythm Nation 1814’.