Liderët europianë në Kiev, kërkojnë armëpushim nga Rusia.

Katër liderë të rëndësishëm europianë janë sot në kryeqytetin e Ukrainës, Kiev.

Presidenti francez Emmanuel Macron, kancelari gjerman Friedrich Merz, kryeministri polak Donald Tusk dhe udhëheqësi britanik Keir Starmer po zhvillojnë takime me presidentin ukrainas Volodymyr Zelenskyj.

Vizita e tyre lidhet me një mbledhje të vendeve perëndimore që mbështesin Ukrainën, e quajtur “Koalicioni i të gatshmëve”. Rreth 30 vende janë pjesë e këtij grupi dhe takimi zhvillohet online, ndërsa katër liderët ndodhen fizikisht në Kiev.

Kjo është hera e parë që këta katër udhëheqës vizitojnë Ukrainën së bashku.

Ata i kanë bërë thirrje Rusisë që të pranojë një armëpushim 30-ditor, pa kushte.