Michael Jackson, më shumë se 500 milionë dollarë borxh kur vdiq

Michael Jackson kishte më shumë se 500 milionë dollarë borxh kur vdiq. Kështu pretendojnë dokumentet e reja të gjykatës.

Jackson, 50 vjeçar, ishte në një krizë të thellë financiare kur vdiq, sipas një peticioni që ekzekutorët e pasurisë së tij depozituan në Gjykatën e Lartë të Qarkut të Los Anxhelosit. Në dosjen e tij thuhet se: 

“Në kohën e vdekjes së Michael Jackson, asetet më të rëndësishme të tij ishin subjekt i më shumë se 500 milionë dollarëve të borxhit dhe pretendimeve të kreditorëve, me një pjesë të borxhit që grumbullohej interes me norma interesi jashtëzakonisht të larta dhe një pjesë e borxhit në mospagim”. 

Sipas deklaratës, kërkohet që paratë nga pasuria e Jackson të përdoren për të rimbursuar avokatët e ekzekutorëve për shërbimet ligjore dhe shpenzimet e tjera.