Microsoft dhe Dropbox pushojnë mijëra punonjës, shkak AI

Microsoft thuhet se do të pushojë nga puna rreth 1000-1500 punonjës. Kjo për shkak të inteligjencës artificiale(AI).

Dropbox njoftoi gjithashtu se kishte pushuar nga puna 500 punonjës në prill 2023, duke shpjeguar se inteligjenca artificiale luajti një rol të rëndësishëm në këtë vendim. Google dhe IKEA, tashmë i kanë zëvendësuar punonjësit me AI, inteligjencën artificiale. Gjithashtu, një kompani e madhe transporti dhe logjistike, UPS, do të pushojë nga puna rreth 12,000 punonjës.

Nga çfarë kuptohet, disa nga kompanitë po investojnë në teknologji, duke ulur në të njëjtën kohë kostot në aspektet e tjera të biznesit, rrjedhimisht, duke pushuar punonjësit nga puna. Kjo do të thotë se AI po kontribuon në mënyrë indirekte në shkurtimet e pagave dhe vendeve të punës. Punët që përfshijnë detyra rutinë të përsëritura janë kryesisht të cenueshme. Rolet administrative, pozicionet e shërbimit ndaj klientit dhe pozicionet e futjes së të dhënave po automatizohen gjithnjë e më shumë, duke çuar në pushimin nga puna të qindra punonjësve. Aftësia e AI për të analizuar të dhënat, për të parashikuar tendencat dhe për të optimizuar proceset do të thotë se nevojiten më pak punëtorë njerëzorë për të kryer këto funksione.