Migrationsverket: Do të merren më parë aplikimet më të vjetra për shtetësi.

Shumë njerëz që kanë kërkuar shtetësi suedeze kanë pritur shumë gjatë për një përgjigje. Disa prej tyre kanë pritur më shumë se katër vjet. Kjo ka sjellë kritika ndaj Migrationsverket, institucionit që merret me çështjet e emigracionit në Suedi.

Tani Migrationsverket ka vendosur të ndryshojë mënyrën e punës. Nga tani e tutje, ata do të shqyrtojnë aplikimet më të vjetra më parë, në radhën që janë dorëzuar.

Më parë, Migrationsverket kishte përparësi për aplikimet më të lehta. Kjo do të thotë se disa persona që kishin dokumente të plota dhe raste të thjeshta, merrnin përgjigje shpejt. Ndërsa ata me raste më të ndërlikuara prisnin më shumë.

Një nga arsyet pse ka vonesa është se shumë refugjatë erdhën në Suedi në vitin 2015. Tani, shumë prej tyre kanë kërkuar shtetësi.

Nga ana tjetër, Migrationsverket paralajmëron se nuk do të mund të përpunojë aq shumë aplikime sa më parë. Kjo për shkak se qeveria ka kërkuar më shumë kontrolle sigurie për të gjithë ata që kërkojnë shtetësinë. Tani, institucionet do të kontrollojnë më thellë identitetin dhe të dhënat e personave.

Burimi: Sverige radio