NASA: ROBOTË NOTUES PËR EKSPLORIMIN E PLANETËVE

NASA po zhvillon robotë të vegjël notues që mund të eksplorojnë oqeanet nën sipërfaqet e ngrira të hënave si Evropa e Jupiterit apo Enkeladusi i Saturnit, duke kërkuar shenja të jetës. Këta robotë janë 42 centimetra të gjatë dhe peshojnë 2.3 kilogram, por inxhinierët synojnë t’i zvogëlojnë deri në madhësinë e një telefoni celular. Të pajisur me sensorë për të matur aciditetin, presionin dhe përbërjen kimike, robotët do të komunikojnë përmes sinjaleve me sondën kryesore, e cila do të transmetojë të dhënat në Tokë. Plani i NASA-s përfshin përdorimin e kësaj sonde termale me energji bërthamore për të shkrirë shtresën e akullit, rreth 10 milje të trashë, dhe për të krijuar një tunel drejt oqeanit të lëngshëm.