Një cigare të kushton 20 minuta të jetës. Studim britanik: Duhanpirësit përballen me plakje të parakohshme dhe shëndet të përkeqësuar.

Një cigare e vetme mund të shkurtojë jetën me 20 minuta, sipas një studimi të fundit nga University College London, të publikuar nga e përditshmja britanike The Guardian. Studimi vë theksin jo vetëm te humbja e viteve të jetës në fund, por edhe te ndikimi i rëndë që duhani ka mbi vitet e mesme të jetës, duke përshpejtuar shfaqjen e problemeve shëndetësore.

“Një duhanpirës 60-vjeçar do të ketë një gjendje shëndetësore të krahasueshme me atë të një personi 70-vjeçar që nuk pi duhan,” shpjegon Sarah Jackson, një nga autorët kryesorë të studimit.

Premtimi për një jetë më të gjatë

Për ata që kanë vendosur të lënë duhanin si pjesë e premtimeve për Vitin e Ri, ka lajme të mira: një person që pi zakonisht 10 cigare në ditë mund ta zgjasë jetën e tij me rreth 50 ditë vetëm gjatë vitit të parë pa duhan.

Kjo gjetje përforcon rëndësinë e ndërprerjes së duhanit jo vetëm për një jetë më të gjatë, por edhe për ruajtjen e viteve të shëndetshme gjatë moshës së mesme dhe më tej. Studiuesit theksojnë se lënia e duhanit është një nga hapat më të rëndësishëm për të përmirësuar cilësinë e jetës.

“Një vendim që vlen jetën tuaj”

Ekspertët shëndetësorë u bëjnë thirrje duhanpirësve të reflektojnë mbi ndikimin afatgjatë të kësaj zakoni dhe të përfitojnë nga çdo mundësi për të ndaluar. “Vendimi për të lënë duhanin nuk është thjesht një premtim për Vitin e Ri – është një vendim që vlen jetën tuaj,” përfundon Jackson.