Parlamenti i Austrisë ndalon shamitë në shkolla

Parlamenti i Austrisë ka miratuar një ligj të ri që u ndalon vajzave nën 14 vjeç të mbajnë shami në shkollë, shkruan AFP. Ligji është kritikuar paraprakisht si diskriminues dhe është paralajmëruar se mund të rrisë përçarjen në shoqëri.

Projektligji u propozua nga qeveria konservatore, e cila e arsyetoi atë me pretendimin se vajzat duhen mbrojtur nga shtypja.

Një ligj i mëparshëm që ndalonte shamitë në çerdhe u pezullua në vitin 2019 nga gjykata kushtetuese e vendit.