Policia franceze vrau një person, i cili tentoi t’i vinte flakën një sinagoge

Gjatë ditës së sotme, policia franceze ka vrarë një person të armatosur i cili tentoi t’i vinte flakën një sinagoge në qytetin verior të Ruanit. Agjencia AFP raportoi se personi i vrarë “ishte i armatosur me një thikë dhe shufër hekuri. Ai iu afrua policisë, e cila e qëlloi” për vdekje. Ministri i Brendshëm, Gerald Darmanin, reagoi në platformën X (Twitter).

“Policia kombëtare në Ruan mëngjesin e sotëm neutralizoi një person të armatosur, i cili qartësisht dëshironte t’i vinte flakën sinagogës së qytetit.”