Robert Francis Prevost zgjidhet Papa i ri. I pari nga SHBA

Kardinali amerikan Robert Francis Prevost është zgjedhur Papa i ri i Kishës Katolike. Ai do të jetë Papa i 267-të në histori dhe i pari nga Shtetet e Bashkuara të Amerikës.

Në momentin që u bë njoftimi zyrtar, turma e mbledhur në Sheshin e Shën Pjetrit shpërtheu në brohoritje dhe duartrokitje. Prevost ka zgjedhur të marrë emrin papnor Leo XIV.

Në fjalimin e tij të parë si Papa, ai tha: “Paqja qoftë me ju të gjithë.”

Zgjedhja e tij ndodhi shumë shpejt. Konklava, procesi i votimit për Papën e ri  nisi të mërkurën në mbrëmje dhe përfundoi brenda pak orësh, gjë që konsiderohet e rrallë.

Papa Leo XIV pritet të sjellë një frymë të re në Kishën Katolike.