SHBA-ja me paketë të re të ndihmës ushtarake prej 400 milionë dollarësh për Ukrainën

Shtetet e Bashkuara janë duke e përgatitur një paketë të re ndihmë ushtarake, në vlerë 400 milionë dollarë, për Ukrainën, e cila ka hasur në vështirësi për t’i zmbrapsur trupat ruse në rajonin verilindor, Harkiv.

Kjo paketë përfshin artileri, raketahedhës NASAM dhe municione për të, municione antitanke, autoblinda dhe armë të vogla të cilat mund vihen në përdorim menjëherë në fushëbetejë.

Njoftimi i SHBA-së vjen vetëm një ditë pasi forcat ruse e nisën një ofensivë tokësore të premten në afërsi të qytetit të dytë më të madh të Ukrainës, Harkiv, në verilindje të vendit.

SHBA-ja i ka dhënë Ukrainës ndihmë ushtarake në vlerë rreth 50 miliardë dollarë, prej se Rusia e nisi pushtimin e saj në shkurt 2022.