Shkretëtira më e thatë në Tokë, mbushet me lule

Shkretëtira më e thatë në Tokë mbushet plot me lule gjatë pranverës. Shkretëtira Atakama në Kilin verior është një nga vendet më të thata në Tokë, por pjesë të caktuara të saj janë aktualisht të mbuluara me lule të shumta, të bardha dhe vjollcë. Atakama njihet si shkretëtira e lulëzuar, sepse ndodh që në pranverë të mbulohet me lule. Mirëpo lulëzimi në këtë periudhë ku në Hemisferën Jugore është dimër duket i pazakontë. Sipas ekspertëve, kjo ka ardhur falë reshjeve të nxitura nga El Niño, një fenomen klimatik natyror që ndikon në motin global. Gjatë 40 viteve të fundit, ka ndodhur rreth 15 herë që shkretëtira të jetë lulëzuar. Në vitin 2022, qeveria kiliane njoftoi krijimin e një parku të ri kombëtar në shkretëtirën Atakama, në një përpjekje për të mbrojtur këto lulëzime të rralla, së bashku me kafshët e egra si insektet, zvarranikët dhe zogjtë.