Studimi: Ushqimi ultraprocesuar duhet të rregullohet si cigaret

Ushqimi ultraprocesuar duhet të rregullohet me ligje po aq të rrepta sa ato për duhanin, sipas një studimi të ri shkencor. Studiuesit thonë se këto produkte kanë më shumë ngjashmëri me cigaret sesa me ushqimet e shëndetshme si frutat dhe perimet.

Studimi është realizuar nga shkencëtarë të universiteteve amerikane Harvard, Michigan dhe Duke. Ata kanë analizuar të dhëna nga kërkimet mbi varësinë, ushqyerjen dhe historinë e shëndetit publik. Sipas tyre, si ushqimi ultraprocesuar ashtu edhe cigaret janë të krijuara qëllimisht për të nxitur varësinë dhe për të rritur konsumin.

Studiuesit theksojnë se të dyja këto produkte lidhen me rreziqe serioze për shëndetin, përfshirë sëmundje kronike dhe probleme të tjera të mëdha shëndetësore.

Edhe ekspertë të pavarur, me të cilët ka folur gazeta britanike The Guardian, shohin ngjashmëri të qarta mes ushqimeve ultraprocesuara dhe duhanit. Megjithatë, ata paralajmërojnë se studimi mund të shkojë shumë larg në krahasimet e tij.

Studimi ka hapur debat mbi nevojën për rregulla më të forta ligjore për ushqimin ultraprocesuar, në mënyrë të ngjashme me masat që janë marrë prej vitesh kundër duhanit.

Burimi: The Guardian

link: https://www.theguardian.com/global-development/2026/feb/03/public-health-ultra-processed-foods-regulation-cigarettes-addiction-nutrition