Tym i zi sërish mbi Vatikan, ende asnjë Papë i ri pas votimit të tretë.

Rreth mesditës, tymi i zi u ngrit sërish mbi Vatikan, duke treguar se kardinalët nuk kanë arritur ende të bien dakord për zgjedhjen e një pape të ri.

Gjatë mëngjesit u mbajtën dy raunde votimi, por askush nuk arriti të marrë 89 votat e nevojshme për t’u zgjedhur. Tani kardinalët janë në pushim dreke dhe do të mblidhen sërish pasdite për edhe dy raunde të tjera votimi.

Që nga sot, do të ketë gjithsej katër votime në ditë, dy në mëngjes dhe dy pasdite deri në zgjedhjen e papës së ri.