Zbulohen më shumë se dy ton metamfetamina të fshehura brenda një dërgesë shalqinjsh, në kufirin SHBA-Meksikë.

Më shumë se dy ton metamfetamina, në një total prej 1.220 paketash, me vlerë më shumë se 5 milionë dollarë, u konfiskuan nga agjentët kufitarë të Shteteve të Bashkuara në kufirin me Meksikën. Oficerët kanë kapur kamionin që transportonte metamfetamina të fshehura brenda një dërgesë shalqinjsh. Drogat mbështilleshin me plastikë të lyera në dy nuanca të së gjelbërit për t’i përngjarë frutës dhe vendoseshin mes shalqinjve të vërtetë. Fshehja e drogave midis prodhimeve është një mënyrë e zakonshme për të kontrabanduar substancat e paligjshme përtej kufijve, dërgesat e bananeve janë më të përhapurat, por oficerët kanë gjetur kohët e fundit narkotikë në djathin Gouda dhe avokadot. Shoferi iu dorëzua zyrtarëve të Sigurisë Kombëtare. Kapja erdhi një javë pasi zyrtarët në të njëjtin kalim kufitar zbuluan pothuajse 300 kg meth në një ngarkesë selino. Kartelet meksikane të drogës janë prodhuesit dhe furnizuesit kryesorë të metamfetamines në Shtetet e Bashkuara. Në shkurt, forcat meksikane të sigurimit kapën më shumë se 40 ton drogë në laboratorin më të madh që u zbulua në vitet e fundit, thonë nga BBC.