120 mijë vullnetarë do të angazhohen për strehimoret “Bunkerat” në Suedi

Më shumë se 120 000 vullnetarë pritet të angazhohen për menaxhimin e 64 000 strehimoreve që ndodhen në zonat e banuara në Suedi. Këtë e kërkon Agjencia për Mbrojtjen Civile (MCF), e njohur më parë si MSB, raporton radioja suedeze Ekot.

Sipas planit, vullnetarët do të kenë për detyrë të përgatisin strehimoret për përdorim, të ndihmojnë banorët e lagjeve që t’i gjejnë ato dhe të sigurojnë që rregullat brenda strehimoreve të respektohen. Këtë e shpjegon Henrik Larsson nga MCF.

Gjatë këtij viti, ky model do të testohet në disa komuna të vendit, për të parë se si funksionon në praktikë.

Henrik Larsson thotë se rekrutimi i vullnetarëve ka shumë gjasa të bëhet përmes organizatave vullnetare të mbrojtjes. Megjithatë, sipas tij, mund të përdoren edhe forma të tjera bashkëpunimi.

“Mund të mendohet edhe për zgjidhje të tjera, si klube sportive ose shoqata lokale të banorëve, veçanërisht në zonat më pak të banuara”, thotë ai.

Burimi: sverigesradio

Link: https://www.sverigesradio.se/artikel/120-000-frivilliga-ska-bemanna-skyddsrummen-i-krig