30 mijë pula u asgjësuan nga gripi i shpendëve në Skåne

Një shpërthim i gripit të shpendëve ka çuar në asgjësimin e rreth 30 mijë pulave në komunën Sjöbo, në rajonin Skåne të Suedisë. Lajmi raportohet nga P4 Kristianstad.

Sipas autoriteteve, gripi i shpendëve u konstatua në një fermë jashtë Sjöbos më 30 dhjetor. Për shkak të rrezikut të përhapjes së sëmundjes, u mor vendimi që të gjitha pulat në fermë të asgjësohen.

Vetëm pak kohë më parë, në të njëjtën zonë ishin asgjësuar edhe 60 mijë pula të tjera për të njëjtën arsye.

Katarina Gillén nga Agjencia Suedeze e Bujqësisë (Jordbruksverket) thotë se, sipas vlerësimeve, virusi ka ardhur nga shpendët e egër dhe jo nga përhapja mes fermave.

Autoritetet vazhdojnë të monitorojnë situatën për të parandaluar raste të reja të infektimit.

Burimi: P4 Kristianstad, Aftonbladet