46 persona të vrarë nga të shtënat me armë gjatë vitit 2025

Policia suedeze ka publikuar statistikat zyrtare për të shtënat me armë zjarri dhe shpërthimet gjatë vitit 2025. Të dhënat tregojnë një rënie të numrit të viktimave nga armët e zjarrit, por një rritje të fortë të shpërthimeve.

Gjatë vitit 2025, gjithsej 46 persona u vranë nga të shtënat me armë zjarri, ndërsa 44 persona të tjerë u plagosën. Sipas policisë, kjo është një ulje e ndjeshme krahasuar me vitin 2022, kur 62 persona humbën jetën nga të shtënat.

Në të njëjtën kohë, viti 2025 u shënua si një vit rekord për numrin e shpërthimeve. Gjatë vitit u regjistruan 189 shpërthime në të gjithë vendin. Ky numër është dukshëm më i lartë se në vitin 2024, kur u regjistruan 136 shpërthime.

Policia thekson se statistikat tregojnë zhvillime të ndryshme të kriminalitetit: më pak viktima nga armët e zjarrit, por më shumë shpërthime, çka mbetet një shqetësim serioz për sigurinë publike.