FHM: Të gjithë fëmijët duhet të vaksinohen kundër lisë së dhenve.

Agjencia Suedeze e Shëndetit Publik (FHM) ka propozuar që vaksina kundër lisë së dhenve të përfshihet në programin e detyrueshëm të vaksinimit për të gjithë fëmijët në Suedi. Sipas raportimeve nga TT, qëllimi është të mbrohen fëmijët më të ndjeshëm dhe të zvogëlohet barrë financiare e shkaktuar nga mungesat në punë për shkak të sëmundjes së fëmijëve.

Sipas Tina Crafoord, drejtore e njësisë së vaksinimit në FHM, kjo sëmundje është më e rrezikshme sesa zakonisht perceptohet. “Lija e dhenve mund të shkaktojë komplikacione serioze, veçanërisht te fëmijët me sistem imunitar të dobësuar,” thotë ajo.

Plani përfshin dy doza të vaksinës, të cilat do të administrohen kur fëmijët të jenë 12 dhe 18 muajsh. Propozimi tashmë i është dorëzuar qeverisë dhe pritet të shqyrtohet për miratim. Nëse miratohet, kjo do të thotë një ndryshim i rëndësishëm në politikën e vaksinimit në Suedi, duke ofruar mbrojtje më të gjerë ndaj kësaj sëmundjeje të zakonshme por potencialisht të rrezikshme.