Rriten ndjeshëm vdekjet në hekurudhat e Suedisë gjatë vitit 2023

Numri i aksidenteve të rënda në hekurudhat suedeze u rrit ndjeshëm gjatë vitit 2023, sipas raportit të fundit të Autoritetit të Transportit. Statistikat tregojnë se 15 persona humbën jetën dhe 14 u plagosën rëndë gjatë vitit të kaluar, një rritje e dukshme krahasuar me vitin 2022, kur 8 persona humbën jetën dhe po aq u plagosën rëndë.

Vetëvrasjet përbëjnë shumicën e rasteve fatale në hekurudha. Gjatë vitit 2023, numri i vetëvrasjeve u rrit nga 60 në 2022 në 78.

Sipas objektivave kombëtare të Suedisë, numri i të vdekurve në trafikun hekurudhor synohet të përgjysmohet deri në vitin 2030, krahasuar me shifrat e vitit 2020. Rritja e numrit të vdekjeve thekson nevojën për masa të përforcuara të sigurisë dhe ndërhyrje për parandalimin e vetëvrasjeve në sistemin hekurudhor.

Burimi: Aftonbladet