Tetë nga dhjetë lodra të shitura online janë të rrezikshme për fëmijët

Një hetim i ri tregon se shumica e lodrave të shitura në platformat online nuk plotësojnë standardet e sigurisë të BE-së. Rreth tetë nga dhjetë lodra që mund të blihen nga faqe si Allegro, AliExpress, Amazon Marketplace, Shein dhe të tjera, përbëjnë rrezik serioz për fëmijët.

Shoqata Suedeze e Industrisë së Lodrave dhe Produkteve për Fëmijë, në bashkëpunim me organizatën evropiane Toy Industries of Europe (TIE), ka analizuar njëqind lodra të ndryshme pa markë ose me markë të panjohur. Rezultatet janë alarmante: shumë prej këtyre lodrave përbëjnë rrezik për mbytje ose helmim.

Mes produkteve të rrezikshme janë identifikuar edhe bitrinat, të cilat mund të thyhen në copa të vogla dhe të shkaktojnë mbytje. Ndërsa prindërit dhe kujdestarët tërhiqen nga çmimet e ulëta, ekspertët paralajmërojnë të kenë kujdes ndaj lodrave që nuk përmbushin standardet e sigurisë.

Burimi: Aftonbladet