E vetmja fabrikë e majas në Suedi mund të bëhet pjesë e mbrojtjes kombëtare

Agjencia për Mbrojtjen Civile dhe Gatishmërinë ndaj Emergjencave (MSB) ka propozuar që e vetmja fabrikë e majas në Suedi, e vendosur në Rotebro, Sollentuna, të shpallet një interes kombëtar për mbrojtjen totale të vendit. Propozimi, që tashmë është në fazën e konsultimeve, ka për qëllim forcimin e gatishmërisë së Suedisë në rast krizash ose konfliktesh që mund të pengojnë importet e ushqimeve.

Sipas MSB, fabrika është thelbësore për furnizimin ushqimor të vendit. Në një situatë ku importet do të ndërpriteshin, i gjithë buka do të duhej të prodhohej në vend, dhe majaja është një përbërës i pazëvendësueshëm në këtë proces. “Objekti ka rëndësi jetike për furnizimin tonë ushqimor dhe mbrojtjen civile,” thuhet në komunikatën e MSB-së.

Ky propozim ka marrë mbështetjen e Agjencisë së Ushqimit, e cila thekson rëndësinë e garantimit të burimeve të brendshme për prodhimin e ushqimeve gjatë kohëve të pasigurta.

Burimi:Omni