Frikë dhe zemërim pas gabimit në Akademiska sjukhuset: 33 gra të operuara gabimisht

Ministrja e Shëndetësisë, Acko Ankarberg Johansson (KD), ka reaguar me shqetësim pas njoftimit se Spitali Akademik ka operuar gabimisht dhe ka hequr mitrën nga 33 gra. Ajo e ka quajtur këtë ngjarje një “lajm të tmerrshëm” dhe ka theksuar nevojën për një hetim të thellë.

“Është mirë që Spitali Akademik po e merr seriozisht ngjarjen dhe po ndërmerr masat e nevojshme për të zbardhur situatën,” ka deklaruar ministrja për mediat.

Kryetarja e shoqatës “Rrjeti për Kancerin Gjinor”, Barbro Sjölander, shpreh zemërim dhe shqetësim. “Jam e habitur dhe shumë e trishtuar. Kjo është një ngjarje e tmerrshme,” tha ajo, duke shtuar se ajo shqetësohet për situatën në spitalet e tjera në rajon.

Operacionet, të cilat u kryen në vitet 2023-2024, ishin në lidhje me njoftimet që gratë kishin marrë për ndryshime qelizore. Ngjarja ka ngritur pikëpyetje mbi standardet e kujdesit shëndetësor dhe sigurinë e pacientëve.