Inflacioni në Eurozonë disi më i lartë se sa pritej

Sipas statistikave të reja nga Eurostat, inflacioni në eurozonë u rrit në 2,0% në tetor, nga 1,7% muajin e kaluar. Ky numër ishte disi më i lartë se parashikimi prej 1,9%, sipas  Trading Economics.

Arsyeja kryesore për këtë rritje ishin rritjet e çmimeve në sektorin e shërbimeve, që arritën në 3,9% në terma vjetorë, ndjekur nga rritjet e çmimeve për ushqime, alkool dhe duhan.

Megjithatë, çmimet e energjisë ishin në rënie në terma vjetorë, gjë që ndihmoi në mbajtjen e inflacionit më të ulët.