Qeveria Suedeze mund t’i heqë kompetencat e autoritetit të mbikëqyrjes financiare për stabilitetin financiar

Qeveria suedeze po shqyrton mundësinë për t’i hequr Autoritetit të Mbikëqyrjes Financiare (Finansinspektionen – FI) përgjegjësinë për rregullat që lidhen me stabilitetin financiar, duke përfshirë kufirin e kredive për banesa dhe kërkesat për amortizim të tyre. Lajmi u bë i ditur nga ministri i tregjeve financiare, Niklas Wykman, i cili shprehu hapur idenë për ndryshime që do të forconin më tej sigurinë financiare në vend.

“Nuk përjashtoj asnjë mundësi për të bërë ndryshime që do të ndihmojnë në përmirësimin e stabilitetit financiar,” u shpreh Wykman për agjencinë e lajmeve TT.

Të hënën pritet të prezantohet një raport mbi makrotillsyn-in (mbikëqyrjen makroekonomike), i cili do të vlerësojë efektivitetin e kufirit të kredive për banesa dhe rregullave për amortizim. Përpara publikimit, drejtori i përgjithshëm i FI, Daniel Barr, theksoi rëndësinë e ruajtjes së rregulloreve ekzistuese, duke argumentuar se këto masa janë thelbësore për sigurinë financiare të vendit.

Megjithatë, pritshmëritë janë që raporti të rekomandojë lehtësime për këto rregullore, një ndryshim që mund të shënojë një kthesë në politikën e mbikëqyrjes financiare të Suedisë.