Tatimi mbi ISK do të ulet në 2025 – Kursimet për qytetarët pritet të rriten

Një lajm i mirë për ata që kursejnë në llogari ISK (Investeringssparkonto): tatimi për këtë formë kursimi do të ulet ndjeshëm në vitin 2025, pas vendimit të fundit të Riksgälden për normën e interesit për huan shtetërore.

Norma e re e interesit është përcaktuar në 1,96% deri më 30 nëntor 2024, duke ulur tatimin mbi ISK në 0,89% për vitin e ardhshëm. Edhe pse kjo shifër mbetet ndër më të lartat që nga krijimi i këtij sistemi kursimi, ajo përfaqëson një përmirësim krahasuar me këtë vit.

Si llogaritet tatimi?

Formula për llogaritjen e tatimit është e thjeshtë: normës së interesit për huan shtetërore i shtohet një përqindje dhe shuma shumëzohet me 30%. Ky ndryshim do të thotë më pak barrë fiskale për qindra mijëra qytetarë suedezë.

Prag i ri pa taksë për kursimet

Qeveria po planifikon gjithashtu reforma të tjera për të nxitur kursimet personale. Sipas një propozimi të ri, nga viti 2025 qytetarët do të përfitojnë një prag pa taksë për kursime deri në 150,000 korona, ndërsa ky kufi do të rritet në 300,000 korona në vitin 2026.

Shembull praktik

Një individ me kursime prej 200,000 korona do të paguajë vetëm 445 korona tatim për vitin 2025, një ulje drastike krahasuar me 2,172 korona që paguan për të njëjtën shumë këtë vit.

Ky ndryshim pritet të lehtësojë kursimet për shumë qytetarë dhe të rrisë interesin për këtë formë investimi.