Asnjë gjobë nga Inspektorati i Shkollave në pesë vitet e fundit . Statistikat shqetësuese: Vetëm dy raste janë dërguar në gjykatë që nga viti 2020

Inspektorati i Shkollave nuk ka marrë asnjë shumë nga gjobat e vendosura ndaj shkollave që kanë shkelur rregullat gjatë pesë viteve të fundit. Sipas një raporti të Sveriges Radio Ekot, që nga viti 2020, vetëm dy raste të tilla janë çuar në gjykatë.

Profesori i të drejtës administrative në Universitetin e Uppsala-s, Olle Lundin, kritikon ashpër situatën.

– Është e papranueshme. Inspektorati nuk po përdor mjetet që ka në dispozicion, u shpreh ai për radion.

Nga ana tjetër, drejtoresha rajonale e Inspektoratit të Shkollave, Sofie Linden, e lidh këtë statistikë me ndikimin e pandemisë.

Sipas ekspertëve, mungesa e veprimit efektiv nga autoritetet mund të dërgojë një mesazh të gabuar, duke dobësuar kontrollin mbi cilësinë dhe përgjegjësinë në institucionet arsimore.