Kapjet e kokainës në Suedi arrijnë nivele rekord: Rritje mbi 4,000% në nëntë vite

Suedia po përballet me një rritje dramatike të kapjeve të kokainës, të cilat janë rritur me mbi 4,000 për qind midis viteve 2014 dhe 2023, sipas një raporti të publikuar nga Dagens Nyheter.

Sipas të dhënave të Doganës Suedeze, vetëm në tetor të vitit 2023 u konfiskuan 1,482 kilogramë kokainë, një sasi më e madhe se ajo e kapur gjatë gjithë vitit të kaluar. “Ne pritet të arrijmë një tjetër rekord këtë vit,” deklaroi Martin Norell nga Dogana Suedeze.

Kjo rritje në Suedi ndodh në një kohë kur kapjet e kokainës në Evropë gjithashtu kanë shënuar rritje gjatë dekadës së fundit, por jo me të njëjtin intensitet. Ndërkohë, në SHBA, konsumi i kokainës ka rënë me 20% që nga viti 2006, sipas një raporti të Washington Post.

Pavarësisht rritjes masive të kapjeve të kokainës në Suedi, studimet e kryera nga institucione si Autoriteti i Shëndetit Publik nuk tregojnë një rritje të konsumit të lëndës narkotike në përputhje me këto të dhëna.

Ekspertët sugjerojnë se kjo mund të jetë një pasqyrim i rritjes së përpjekjeve të forcave të sigurisë dhe bashkëpunimit ndërkombëtar në luftën kundër trafikut të drogës.