Finlanda propozon ndalimin e privatizimit të ujit

Qeveria finlandeze ka propozuar ndalimin e shitjes ose uljes së pronësisë së komunave mbi impiantet e trajtimit të ujit. Masa synon të rrisë sigurinë kombëtare dhe të mbrojë infrastrukturën kritike të vendit, raporton Bloomberg.

Propozimi vjen në kuadër të përpjekjeve të vazhdueshme të Finlandës për të forcuar mbrojtjen ndaj kërcënimeve të mundshme. Ndër masat e tjera të shqyrtuara është dhe konfiskimi i pronave të blera nga shtetas rusë, që mund të përbëjnë rrezik për sigurinë kombëtare.

Qeveria e Finlandës ka theksuar se mbrojtja e burimeve strategjike si uji është thelbësore për garantimin e qëndrueshmërisë dhe sigurisë së vendit.