Letërsia, themeli i një edukimi të fortë për mësuesit

Kriza e leximit në shkollat suedeze nuk mund të zgjidhet vetëm me lista leximi dhe bibliotekarë të punësuar, paralajmërojnë 68 studiues letrarë dhe pedagogë në një apel të publikuar në Expressen Kultur. Sipas tyre, janë mësuesit dhe pedagogët që mbajnë barrën kryesore për të nxitur leximin dhe dashurinë për librat tek fëmijët dhe të rinjtë.

Në apelin e tyre, ata kërkojnë që letërsia  të ketë një vend të veçantë në programet e reja për edukimin e mësuesve. Ata shprehin shqetësimin se në propozimin e fundit të qeverisë për reformën e arsimit të mësuesve, prezantuar në dhjetor, letërsia as nuk përmendet.

“Listat e leximit nuk janë të mjaftueshme. Mësuesit duhet të jenë të aftë të mësojnë fëmijët dhe të rinjtë jo vetëm për librat, por edhe përmes letërsisë, duke i ndihmuar ata të zhvillojnë mendimin kritik dhe kreativitetin,” shkruajnë ata në apelin e tyre.

Ekspertët theksojnë se një qasje e tillë është thelbësore për të rikthyer rëndësinë e leximit në sistemin arsimor dhe për të ndihmuar në zgjidhjen e krizës aktuale të leximit në shkollat e vendit.