Socialdemokratët: Qeveria po dështojnë me politikat kundër papunësisë

Papunësia në nivelin më të lartë në tre vite – S kritikon ashpër qeverinë për neglizhencë në punësim dhe strehim.

Papunësia në Suedi ka arritur kulmin e saj në tre vitet e fundit, me 70,000 persona që kanë humbur vendet e punës, sipas statistikave të reja. Kjo situatë ka ngjallur kritika të ashpra nga Socialdemokratët, të cilët akuzojnë qeverinë për politika të dobëta dhe mungesë përparësie në krijimin e vendeve të reja të punës.

Në një artikull të botuar në Expressen, Mikael Damberg dhe Ardalan Shekarabi krahasojnë shifrat e papunësisë me një qytet të tërë si Halmstad, që praktikisht ka mbetur pa punë.

“Qeveria nuk po merr seriozisht përgjegjësinë për të krijuar mundësi pune. Përkundrazi, ata kanë shkurtuar mbështetjen për punësimin dhe arsimin profesional dhe kanë ndalur zhvillimin e projekteve të strehimit. Kjo është një politikë e dobët dhe e papranueshme,” shkruajnë ata.

Socialdemokratët sugjerojnë se prioritetet duhet të përfshijnë:

•Investime në arsimin profesional për të ndihmuar të papunët të kualifikohen për tregun e punës.

•Projekteve të reja në ndërtimit për të përmirësuar furnizimin me banesa.

•Mbështetje financiare për familjet në nevojë, të cilat po përballen me një situatë gjithnjë e më të vështirë ekonomike.

Damberg dhe Shekarabi argumentojnë se shkurtimet në fushat kritike si punësimi dhe strehimi janë faktorët kryesorë që kanë çuar në përkeqësimin e situatës.

Qeveria ende pa përgjigje konkrete

Për momentin, qeveria nuk ka dhënë ndonjë përgjigje ndaj akuzave, ndërsa ekspertët paralajmërojnë se nëse nuk ndërmerren masa të menjëhershme, papunësia mund të vazhdojë të rritet.

Debati për papunësinë pritet të intensifikohet në javët e ardhshme.